Hvar hef ég heyrt þetta áður?

Já, alveg rétt. Það var þessi sama kona sem sagði þessi sömu orð fyrir ca. 4 mánuðum síðan. Þessi kona er svo búin að vera í ríkisstjórn þessa 4 mánuði sem síðan hafa liðið og.....????

Þetta er nú bara orðið, sorrý, eins og með drauga og geimverur...ég skal trúa þegar ég sé með eigin augum.

Óska þess af öllu mínu hjarta að þessi ríkisstjórn beri gæfu til að komast allavega sæmilega frá þessum mánuðum sem eru eftir fram að kosningum.

Ég er auðvitað líka stolt af því að við erum að fara að fá konu sem forsætisráðherra og ég óska henni alls hins besta í sínu starfi.

En eins og ég segi þá hefur reynslan bara kennt manni þetta: Seeing is believing. Svoleiðis er nú bara það!

 

Skjaldborg slegið um heimilin

Loksins dru....... e-h....!!!

Sorrý, en ég er búin að hlusta á þetta orðskrúð og bull í fréttum og öðrum fjölmiðlum alltof lengi. Ég er kannski svona einföld/heimsk, en ég segi bara fyrir mitt leiti: LOKSINS spurði einhver "hvernig"? Og þá meina ég ekkert BULL heldur HVERNIG á að FRAMKVÆMA þessa LÍFSNAUÐSYNLEGU HLUTI fyrir Ísland framtíðarinnar????

Ef fólk getur ekki svarað því á einfaldan hátt þá, sorrý, hefur það ekki MITT umboð í ríkisstjórn, þótt hún sé bara fyrir 3 mánuði!!!

 

 

 

 

 

 

Telur forsendur fyrir stjórn

Kosningabarátta Samfylkingar hafin.

Það var strangt til tekið ekki Stjórnin sem féll, það var Sjálfstæðisflokkurinn sem féll. Var alveg kominn tími til en að sjálfsögðu eru þeir "sorrý, svekktir, sárir". En, ber Samfylkingin alls enga ábyrgð á aðgerðum/aðgerðarleysi ríkisstjórnarinnar undafarna mánuði og ár? Þar hefur alveg EINN maður sagt af sér, eftir að hafa legið undir feldi í 100 daga!

Það er öllum sæmilega sjáandi Íslendingum ljóst að Samfylkingin byrjaði í bullandi kosningabaráttu daginn sem Björgvin sagði af sér. Það sem kemur fram í þessari "frétt" er bara enn eitt dæmið um það.

Nú vonar maður bara að fólk gleymi ekki að stjórna landinu á meðan það er í kosningabaráttunni! Ég er skíthrædd um að þetta verði svona "Shit happens" ríkisstjórn.

Vona að ég hafi rangt fyrir mér.

„Ótrúlega ómerkilegt“ af Samfylkingu

Hálsinn stjórnar höfðinu!

Mér er það til efs að Geir hafi miklu ráðið um suma hluti þrátt fyrir forsætisráðherratitilinn. Þjóðsagan um "Bláu höndina" varð ekki til úr engu þótt henni sé oftast slegið fram í gríni fremur en alvöru. Ég mundi kalla það "gálgahúmor", sem leiðir beint að öðru "gríni"; Í góðri bíómynd segir móðir setningu við dóttur sína, brúðina, sem er eitthvað á þessa leið: Sko, karlinn er höfuð fjölskyldunnar en konan er hálsinn. Og það er hálsinn sem snýr höfðinu þangað sem hann vill!

Geir er "höfuð" ríkisstjórnarinnar en, getur verið að Davíð sé hálsinn??

Gálgahúmor eða grín, Bláa höndin virðist allavega hafa breyst í snöru, sem þessa stundina þrengist um hálsinn á Geir.

Geir Haarde sagður ábyrgur fyrir hruninu

Spakmæli.

Ég er hrifin af spakmælum og hér koma nokkur sem eiga vel við þessa dagana:

Banki er stofnun sem lánar þér regnhlíf þegar veður er bjart og krefur þig um hana aftur þegar fer að rigna. (Robert Frost)

Suma má blekkja alltaf og alla stundum, en það er ekki hægt að blekkja alla alltaf. (A. Lincoln)

Það liggur í eðli þess eigingjarna að geta kveikt í húsi til þess eins að steikja eggin sín. (Francis Bacon)

Þá fyrst verður vel stjórnað þegar þeir komast til valda, sem hafa enga löngun til þess. (Platón)

Og að lokum:

Við höfum ekki erft jörðina eftir foreldra okkar. Við höfum fengið hana að láni frá börnum okkar. (Anders Vijkman).

 

Flott tækifæri til atvinnusköpunar!

Þarna er þetta líka fína atvinnutækifæri lagt upp í hendurnar á okkur bara si svona. Tækifæri til að stofna nýtt sprotafyrirtæki, gjaldeyrir inn í landið og allt maður. Lýsi eftir fólki til að stofna nýjar íslenskar "Þjálfunarbúðir fyrir breska mótmælendur". Við gætum meira að segja kennt þeim að prjóna lopapeysur úr íslenskri ull í leiðinni svo þeir drepist nú ekki úr kulda í kreppunni. Svo seljum við þeim ullina í leiðinni, ennþá meiri gjaldeyrir og meiri atvinna fyrir bændur.

Segið svo að maður fái engar hugmyndir!

Íslensk mótmæli vekja athygli

Vá hvað þeir eru snöggir!

Bandaríkjamenn láta ekki að sér hæða þegar kemur að marketing. Þetta er náttúrulega ferlega ósmekklegt, en svona er markaðurinn.

Þetta minnir mig aðeins á Ísbjarnarævintýrið hér í Skagafirðinum í fyrra. Þar var nú ekkert svona sérstakt marketing í gangi en ég man að allt í einu fóru að rokseljast allir ísbjarnarbangsar í Kaupfélaginu. 

Obamadætur í dúkkulíki

Ég á ekki orð!

Heppinn að hafa veikst!! Er ekki allt í lagi með fólk??

Ég er bara kjaftstopp. Bendi bara á síðustu fæsluna mína þar sem ég tala um reiðina og glundroðann sem henni fylgir. Segir allt sem segja þarf!

Ég vildi ekki skipta við Geir, en ef ég ætti að gera það að einhverju leiti veldi ég frekar pólitíska óveðrið sem hann stendur í miðjunni á heldur en krabbameinið!

Common!!

„Ekki farin að finna til með honum ennþá“

Þjóðstjórn og ekkert annað!

Ég styð friðsamleg mótmæli og finnst þau raunar nauðsynleg, ríkisstjórnin þarf að vita að þjóðin sættir sig ekki við ástandið eins og það er. Ég er hins vegar ekki sammála kröfunni um "kosningar strax".

Hvernig á fólk að vita hvað það er að kjósa ef við kjósum núna, ég bara spyr?

Allir að kjósa VG...og hvað svo? Þeir virðast alveg vita hvað er rangt, en hvað með hvað er rétt? Ég heyri aldrei neitt frá þeim um HVAÐ Á AÐ GERA, bara HVAÐ Á EKKI AÐ GERA! Þar vantar of mikið upp á lausnir eða tillögur til lausna til þess að hægt sé að mynda sér vitræna skoðun og kjósa þá STRAX.

Hinir flokkarnir hafa allir lagt eitthvað af mörkum til að skapa þetta ástand og þar þurfa vissulega margir að sýna auðmýkt og BIÐJAST AFSÖKUNAR. Þar þarf umfram allt endurnýjun. Eigum við að kynnst nýju fólki (hjá þeim flokkum sem bera gæfu til að sjá ljósið og endurnýja forustu sína) á örfáum vikum eða mánuðum? Trúum við orðaskrúði eða þurfum við fólk sem lætur verkin tala?

Nei, ég vil þjóðstjórn og ekkert annað! Við erum "gjaldþrota þjóð" og við höfum einfaldlega ekki efni á að borga þingmönnum laun fyrir að "vera á móti öllu" og "rífast". Við þurfum þetta fólk, allt saman, til að leggja niður vopn í ákveðinn tíma og vinna SAMAN að þessu stærsta verkefni Íslandssögunnar, að bjarga landinu, þjóðinni, heimilunum og atvinnulífinu frá algjöru gjaldþroti.

Við höfum ekki tíma í kosningabaráttu, þar er ég sammála forsætisráðherra, þó ég sé ekki sammála honum um margt annað. Það eru of mörg verkefni framundan sem skiptir sköpum fyrir okkur öll að tími og "friður" fáist til að vinna. Þjóðin sættir sig ekki við núverandi ástand og umheimurinn ekki heldur, það er ekkert traust og enginn trúverðugleiki til staðar. Þjóðstjórn mundi breyta þessu. Ef við hefðum þjóðstjórn í, segjum ár eða svo, þá væru (vonandi) ýmis kurl komin til grafar og hægt að mynda sér skoðun til að kjósa, það finnst mér bara ekki hægt í þessari upplausn og ringulreið. Auk þess myndi almenningur þá sjá hverjir geta unnið saman sem mikilsmegandi partur af heildinni og hverjir eru "sólóistar" sem ekki er vert að eyða atkvæði á. Ég hef engan áhuga á því að kjósa yfir mig, til 4 ára, eitthvað sem gæti svo reynst verra en það sem við höfum núna.

Íslendingar eru reiðir og hræddir. Já, ég er ein af þeim. EN...hvenær hefur reiði leitt af sér rökhugsun? Ég veit ekki um aðra, en mín reynsla er að þvert á móti leiðir reiðin af sér glundroða og fljótfærnislegar ákvarðanir.

Hættum að VERA Á MÓTI bara til að vera á móti! Stígum aðeins til baka og HUGSUM...Hvað er hægt í stöðunni og hvað er líklegt til að skila okkur alvöru árangri og framþróun í þessari stöðu??

Ég vil tíma, ég vil frið, ég vil breytingar, ég vil lausnir, ÉG VIL ÞJÓÐSTJÓRN!

Þá er maður mættur í bloggheiminn!

Jæja, þá er loksins komið að því! Staðan í þessu þjóðfélagi er orðin slík að maður getur ekki lengur orða bundist. Ég vonast til að geta lagt eitthvað af viti til umræðunnar af og til en ætla líka í framtíðinni að nota þetta blogg til að miðla fréttum og myndum til ættingja og vina erlendis.

Ég vil samt byrja á því að óska formönnum ríkisstjórnarflokkanna gæfu og góðs bata. Þetta er ófremdarástand á öllum vígstöðvum hjá þessu fólki og ég finn til með þeim, þótt ég styðji ekki ríkisstjórnina undir núverandi kringumstæðum.