Til hamingju Framsóknarmenn í NV kjördæmi.

Þetta er niðurstaðan sem við þurftum og óskuðum eftir. Nýr maður með mikla reynslu og margar góðar hugmyndir. Ég er fyrir mína parta bjartsýn á Framtíðina ef við berum gæfu til að velja svona menn á þing. Til hamingju með Gunnar Braga!

Fyrst og fremst þakklátur

Around Davíð in 80 days!

Ég er þreytt á þessu aðgerðaleysi. Ný stjórn, OK flott, það var ekkert að gerast svo breytingar hljóta að þýða aðgerðir, eða hvað? Ég sé bara alls ekkert gerast nema sama bölv.... vesenið í kringum Davíð. Getum við ekki komist yfir þetta og fengið að sjá einhverjar almennilegar framkvæmdir?!!

Ég er með fínt nafn á þessa "flottu" ríkisstjórn sem er nú við lýði: "Hringinn í kringum Davíð á 80 dögum".

Þetta átti að vera grín í fyrstu en ég hallast að því nú að þetta sé því miður réttnefni. Alveg eins og nafnið á fyrrv. ríkisstjórn: "Þyrnirós", var fyndið fyrst en hætti að vera það fyrir löngu síðan. Og blessuð yndislega Samfylkingin er hvít eins og meyjarbrúður, hrein og saklaus (græn) í þessu öllu saman.

Hvar er ábyrgðin þar, hvar er endurnýjunin í forustunni þar?

Æ, já, þetta var allt HINUM að kenna!

Gleymum ekki hvað skiptir máli.

Ég hef oft hugsað, þegar ég horfi á fréttir að undanförnu, að það hafi sennilega orðið mér til happs að giftast Dana. Maðurinn minn hefur aldrei skilið fjármál íslenskra heimila og oft hrist höfuðið yfir neyslubrjálæðinu í okkur Íslendingum. Smá útskýring: Við eigum litla 4 herb. blokkaríbúð úti á landi sem við ákváðum að kaupa þegar leigan var orðin hærri en afb. af lánum fyrir svol. íbúð. Þegar gamli bíllinn okkar dó leituðum við lengi á bílasölum og ráðfærðum okkur við "vana menn" áður en við keyptum annan gamlan bíl, ódýran, sem eyddi litlu, tókum út orlofið okkar til að geta borgað næstum allt út í hönd. Gamla "túbusjónvarpið" okkar "dó" fyrir síðustu jól, nú erum við með gamla túbusjónvarpið hennar systur minnar í láni meðan við söfnum okkur fyrir öðru. Þvottavélin okkar er "pínu lasin" en vonandi dugar hún þar til við höfum efni á að kaupa aðra. Þurrkarinn "dó" líka á síðasta ári svo við settum upp snúrur í þvottahúsinu, margt annað sem þarf að safna fyrir áður en sá lúksus kemst í forgang! Auðvitað "getum" við keypt þessa hluti út á krít, en það gengur ekki hjá Dananum og er ég rosalega fegin núna að hafa hlustað á hann hvað þetta varðar.

Við erum sko alls ekki neinir englar hvað neyslu varðar. Ég hef verið að sjá það betur og betur undanfarna mánuði að það er ýmislegt sem við hefðum mátt taka betur á í neyslunni. Ég veit líka að þótt við skuldum allt of mikið í íbúðinni okkar og lánin og ALLT hafi hækkað mikið að undanförnu, nema launin, þá hefur það líklega orðið okkur til happs að við tókum engin myntkörfulán. Það er einfaldlega vegna þess að okkar ágæti þjónustufulltrúi hjá Kaupþingi (Gunni í bankanum) gerði okkur vel og vandlega grein fyrir áhættunni sem fylgdi þessum lánum. Ég get seint fullþakkað honum það!

Ef við hefðum ekki valið svona, þá værum við í verulega djúpum skít í dag.

Það sem ég vildi sagt hafa með þessari færslu: Við erum flestöll, hvað sem við höfum gert/valið síðustu ár, í (mismunandi) slæmum málum og erum sár, reið og mörg hver örvæntingarfull. En við megum alls ekki gleyma okkur í reiðinni við ráðamenn og aðra og gleyma að "taka til" í okkar neyslumálum líka. Munum hvað skiptir máli: Fjölskyldan, vinirnir, heilsan. Alls annars getur maður alveg verið án! 

Vonandi gera ráðamenn sér grein fyrir þessu líka. Fólk VERÐUR að hafa þak yfir höfuðið og mat ofan í sig og börnin sín, sem og aðgang að góðri heilbrigðis- og félagsþjónustu, ÓHÁÐ FJÁRHAG!

Gleymum ekki hvað skiptir máli!

Kynþroska Loðna!

Ég get nú bara ekki á mér setið, verð að setja vísuna hennar móðursystur minnar hér! Vona að hún fyrirgefi!!  ;c)

Af hamingju himnarnir roðna,

og hluturinn stækka fer.

Ef komin er kynþroska loðna,

á kaf þeir stinga sér!

Kolfinna Þorfinnsdóttir.

Loðnukvóta strax

ÞAÐ LIGGUR ALVEG FYRIR!!

Ég var að horfa á ÍNN, Katrínu Júlíusdóttur og Guðlaug Þór hjá Ingva Hrafni og ég bara næ ekki upp í hrokann og ruglið í fyrrv. heilbrigðisráðherra...sorrý!!

Nú vill hann allt í einu "vinna saman"....? Ekki var það til í dæminu þegar átti að sameina heilbrigðisstofnanir á Norðurlandi, svo ekki sé meira sagt!

ÞAÐ LIGGUR ALVEG FYRIR að Guðlaugur Þór er búinn að vera í stjórnmálum, hverjum myndi detta í hug að kjósa svona fólk, ég bara spyr?

Ég mótmæli!!

Ef ég byggi í Reykjavík væri ég að mótmæla núna, fyrir utan dómsmálaráðuneytið og/eða hæstarétt!

Það er náttúrulega bilun að maður skuli fá 2 og 1/2 árs fangelsisdóm fyrir að eyðileggja líf barnsins síns. Svona menn á að loka inni og týna svo lyklunum! Dómar vegna kynferðisbrota eru BRANDARI hér á landi. Ég vil fá að sjá þessi mál á stefnuskrám flokka fyrir næstu kosningar, þetta er ekki líðandi í landinu okkar. Ég verð alltaf jafn hissa þegar ég sé fréttir um dóma vegna svona mála en nú er mér bara nóg boðið. Líf og framtíð lítillar stúlku hefur verið lagt í rúst og "hryðjuverkamaðurinn" sleppur út eftir 2 og 1/2 ár!

ÞETTA ER EKKI Í LAGI!

http://www.mbl.is/mm/frettir/innlent/2009/02/10/braut_gegn_barnungri_dottur_sinni/

Deilum skeiðinni!

 Fékk þessa sögu í tölvupósti. Sjálfsagt eru margir búnir að sjá hana en, what the hell, set hana hér.

Helgur maður var í viðræðum við Guð og sagði:
Guð, mig langar að vita hver munurinn er á himni og helvíti.

Við svo búið fór Guð með manninn að tvennum dyrum.

Hann opnaði aðra þeirra og hinn helgi maður leit inn.

Í miðju herbergisins var stórt hringlaga borð.
Á miðju borðsins var stór pottur með pottrétti sem ilmaði svo vel að
hinn helgi maður fékk vatn í munninn.

Fólkið sem sat við borðið var horað og veiklulegt.
Það leit út fyrir að vera að svelta í hel.

Fólkið hélt á skeiðum með löngu handfangi og hendur þeirra voru
bundnar við stólana en þó gátu þau veitt matinn upp úr pottinum með
skeiðinni.

En þar sem handföngin á skeiðunum voru lengri en hendur þeirra þá gátu
þau ekki komið matnum úr skeiðinni upp í sig.

Hinn helgi maður varð undrandi á þeirri eymd og þjáningu sem við honum
blasti.

Guð sagði, 'Þú hefur nú séð inn í helvíti.'

Síðan fóru þeir að næstu hurð og opnuðu hana.

Við blasti sama sjón og í fyrra herberginu.

Stórt hringlaga borð með stórum potti fullum af pottrétti sem einnig
varð til þess að hinn heilagi maður fékk vatn í munninn.

Fólkið hafði sama búnað, þ.e. skeiðar með löngu handfangi. Munurinn
var hins vegar sá að þetta fólk var vel haldið, kátt,hresst og talaði saman.
Þetta sagðist hinn helgi maður ekki skilja.

Þetta er einfalt, sagði Guð.
En þetta krefst eins hæfileika.

Eins og þú sérð þá hefur þetta fólk lært að mata hvert annað á meðan
að hinir gráðugu hugsa eingöngu um sjálfa sig.

Æ kommon!

Þetta er svo glötuð og úr sér gengin umræða, og það á Þorranum líka!

AUÐVITAÐ á að leyfa hvalveiðar, kommon.... ef það er markaður fyrir hvalkjötið, að sjálfsögðu! Alveg eins og þorsk, ýsu, lamb, hross, naut...osfrv...

Hvað er málið??

Hárrétt ákvörðun

Heimskulegt!!!

Þetta var verulega heimskulegt hjá Toyota! Með því að reka manninn fyrir að tjá skoðun sína skutu þeir sjálfa sig í fótinn, með haglara! Það sem vekur óhug hér er einmitt það að þeir skyldu reka manninn, miklu frekar en þetta með bílinn og forstjórann, þó það sé náttúrulega bilun eins og svo margt annað á Íslandi í dag.

Sá sem ákvað að reka manninn er allavega ekki að vinna fyrir kaupinu sínu, það er eitt sem víst er!

Heimska!

Bloggari rekinn fyrir skrif

Mælskur með meiru.

Þetta var flott ræða hjá Steingrími, hann er mælskur mjög og gaman að hlusta á hann, það má hann alveg eiga. Nú er bara að vita hvort orð verða athafnir, það er það sem skiptir mestu máli.

Annars finnst mér þvílíkur munur að það skuli vera búið að skipta dýralækninum út í fjármálaráðuneytinu, og það fyrir jarðfræðing maður! Ekki vanþörf á eins og jörð skelfur í fjármálaheiminum

Steingrímur ræddi við IMF í dag