Ég fer í fríið!

Þetta kallar maður að bjarga sér í kreppunni. Bara skella sér í gúmmíbátinn og sigla úr landi.

Færeyingar eru líka frændur okkar og hafa sýnt okkur stuðning og samúð að undanförnu, svo það verður örugglega lítið mál að snapa sér ódýrt fæði og húsnæði á áfangastað. 

Nú hættum við Íslendingar að púkka upp á rándýrt flug og hótel í útlöndum. Nú tökum við fram kajakana, gúmmíbátana, kanóana o.s.frv. og róum í fríið. Ódýrt, holl hreyfing og útivist og maður kemst í fríið þrátt fyrir kreppuna.

Muna bara að taka með sér skotvopn. Svona til öryggis ef maður skyldi mæta ísbirni á leiðinni ;c)

Góða ferð í fríið!


mbl.is Sigla á gúmmíbátum til Færeyja
Tilkynna um óviðeigandi tengingu við frétt

Þessi ríkisstjórn er að éta ofan í sig eigin baráttumál með réttindi og framtíð íslensks almennings sem viðbit.

Íslendingar stefna hraðbyri að því "takmarki" ríkisstjórnarinnar að verða eins og ósjálfbjarga mús í gini ljónsins. Háttvirt ríkisstjórn Íslands virðist ætla að gera íslenskan almenning að réttindalausum sökudólgum sem eiga að sitja í (skulda)fangelsi um ókomin ár fyrir glæpi sem þeir frömdu ekki.

Ég er steinhissa á því að okkar háæruverðugu ráðherrar skulu ekki vera með stöðugan hiksta þessa dagana, miðað við allt sem þeir eru að éta ofan í sig af splunkunýjum fullyrðingum og kosningaloforðum, já, jafnvel stórum kosningabaráttumálum.

Nú virðist vera ásættanlegt að láta aðrar þjóðir beita okkur þvingunum og hryðjuverkalögum, nú er bara fínt að hneigja sig, þakka pent fyrir löðrunginn og rétta svo hinn vangann. Á meðan fá sökudólgarnir nægan tíma til að koma eignum og fjármagni undan svo þeir þurfi nú ekki að borga skuldir sínar, greyin, eins og sótsvartur almúginn.

Við skulum átta okkur á því sem fyrst að það verða, nú eins og alltaf, "breiðu bökin" sem koma til með að borga óráðsíu auðvaldsins. Aldraðir, öryrkjar, sjúklingar og svo auðvitað barnafjölskyldurnar.

Eins gott að átta sig á því sem allra fyrst og búa sig undir skuldaklafa komandi ára.

 


mbl.is Icesave: Hægt að byggja allan Ísafjörð tíu sinnum
Tilkynna um óviðeigandi tengingu við frétt

Þetta er rosaleg ásökun og krefst rannsóknar.

Árni Johnsen kemur í þessari með mjög alvarlegar ásakanir á hendur Sjálfstæðismanna í Árborg.

 "Þau hringdu út, sögðu fólki að kjósa Sjálf­stæðisflokkinn en strika mig út. Ef þau ætluðu ekki að kjósa Sjálfstæðisflokkinn, áttu þau samt að strika mig út. Þarna var verið að blekkja kjósendur til að ógilda atkvæði sitt sem er grafalvarlegur hlutur. Verst þykir mér þegar frambjóðendendur á listanum á Árborg­arsvæðinu taka þátt í þessu," sagði Árni."

Það hlýtur að vera alvarlegt brot á lögum að flokksmenn tiltekins flokks beiti kjósendur blekkingum og hvetji þá til að ógilda athvæði sitt ef það ætlar að kjósa annan flokk. Það er augljóst að rannsaka verður hvort eitthvað sé hæft í þessum ásökunum.


mbl.is Árni Johnsen segir skipulega unnið gegn sér
Tilkynna um óviðeigandi tengingu við frétt

Líst vel á þetta!

Mér finnst þetta virkilega góð tillaga og vel útfærð. Það verður að drífa í að taka á þessum málum og það ekki seinna en í gær.

Það er pirrandi að hugsa til þess að á meðan fjölskyldurnar í landinu bíða eftir aðgerðum og eru að drukkna í skuldum séu S og VG að rífast um hvor eigi að bakka með evrópustefnu sína og svíkja sína kjósendur. Þessi Evrópumál ættu bara alls ekki að vera í forgangi, það er svo margt sem þarf að taka á fyrst sem hreinlega bráðliggur á. Hvernig væri að vera bara sammála um að vera ósammála og drífa í að mynda stjórn og VINNA þessi brýnustu verkefni. Það er hvort sem er lítil von til að stjórn VG og S haldi lengi, nema annar hvor flokkurinn svíki kjósendur sína. Hættið að rífast í bili og farið að vinna! Þið getið rifist meira þegar TÍMI ER TIL, það er ekki núna!


mbl.is Vill neyðarlög um íbúðalán
Tilkynna um óviðeigandi tengingu við frétt

Rosalega er ég hissa!

Ég get ekki ímyndað mér að yfirstrikanir á Guðlaugi Þór komi landsbyggðarfólki á óvart. Vinnubrögð hans sem heilbrigðisráðherra, varðandi sameiningar heilbrigðisstofnana á landsbyggðinni, einkenndust öðru framar af ótrúlegri fáfræði, fljótfærni og dæmalausum hroka. Við þurfum ekki svona menn við stjórnvölinn í þessu landi. Það er mín skoðun.


mbl.is Sjálfstæðisflokkur í RS með yfir 2000 útstrikanir
Tilkynna um óviðeigandi tengingu við frétt

Rétt hjá Sigmundi.

Þetta er alveg rétt hjá Sigmundi, þetta frumvarp er einskisnýtt eitt og sér.

Smá saga:

Ég er búin að vera veik heima í 1 og 1/2 viku núna svo ég hef horft á "SLATTA" af Alþingisstöðinni að undaförnu(einfaldlega besta sjónvarpsefnið fyrir flensusjúklinga sem geta ekki legið í rúminu vegna stíflu í nefi og öllu sem því tengist"). Fyrir vikið hef ég aldrei verið hræddari um landið mitt og framtíðina en nú. Að horfa á umræður á Alþingi að undaförnu er eins og að horfa á erfiðan bekk í gagnfræðaskóla. Það er gjammað meðan fólk er í ræðustól, það er úað, púað og hlegið. Ef maður hefði látið svona þegar maður var í skóla hefði maður umsvifalaust verið sendur til skólastjórans eða í skammakrókinn. Eins og fram hefur komið í fréttum hefur Sjálfstæðisflokkurinn verið verstur hvað þetta snertir og einfaldlega tafið störf þingsins með þessu rugli sínu. Samt sem áður finnst mér ég líka sjá ráðaleysi, þreytu og pirring hjá stjórnarflokkunum. Þetta lítur allt saman út eins og fólk viti einfaldlega ekki hvað er til ráða.

Það versta við þetta allt er að akkúrat NÚNA, þegar við þurfum svo nauðsynlega á því að halda að ráðamenn og þingmenn þjóðarinnar vinni SAMAN að því að finna lausnir og vinna þær, er þetta fólk í pólitískum hártogunum og bulli, vegna kosningabaráttu! Það sem ég vil gjarnan heyra er ekki hvað hinn eða þessi flokkur/þingmaður gerði einusinni, heldur hvað hinn eða þessi flokkur/frambjóðandi ætlar sér að gera fái hann kosningu. Og ekki bara hvað, heldur hvernig. Nú bara duga ekki fagurgalarnir "slá skjaldborg um heimilin" eða "koma hjólum atvinnulífsins í gang"!! Við vitum öll hvað þarf að gera, það sem við þurfum að vita er HVERNIG!

Nóg um það.

Tillögur Framsóknarmanna um 20% flata niðurfellingu skulda, hvort sem það telst sanngjarnt eða ekki, er það eina vitræna sem ég hef séð sem myndi koma sem flestum heimilum til hjálpar. Greiðsluaðlögunarfrumvarpið er ágætt sem slíkt en í núverandi árferði hjálpar það einungis þeim sem eru algjörlega komnir í þrot. Hvað með að fyrirbyggja að fólk komist í þá aðstöðu?? Er það einskis virði?

 


mbl.is Greiðsluaðlögun stórhættuleg ein og sér
Tilkynna um óviðeigandi tengingu við frétt

Litla gula hænan.

Það er voða gott að kenna öllum öðrum um en sjálfum sér. Einfalt og þægilegt...ef maður þarf ekki að horfast í augu við sjálfan sig í speglinum. Ég legg til að Íslensk þjóð slái nú saman og færi Ingibjörgu og Samfylkingunni almennilegan spegil, ekki einhvern bakspegil eða spéspegil, heldur spegil sem þetta fólk getur séð sjálft sig í, í raunveruleika okkar Íslendinga! Það er fáránlega ódýrt að segja: Það var ekki ég heldur allir hinir, eftir allt sem gengið hefur á í lífi okkar Íslendinga síðustu mánuði! Þarf ég að segja meira eða???
mbl.is Siðrof í íslensku samfélagi
Tilkynna um óviðeigandi tengingu við frétt

Er ekki allt í lagi?!

Það hlýtur nú að verða einhver eftirmáli að þessu. Annaðhvort hefur dómarinn sjálfur verið barnaníðingur eða búinn að tapa glórunni.

Mín persónulega skoðun er sú að almenningur eigi að hafa aðgang að upplýsingum og myndum af dæmdum barnaníðingum. Þeim er engin vorkunn að geta ekki fótað sig í samfélaginu eftir afplánun, fórnarlömb þeirra líða fyrir gerðir þeirra alla sína æfi. Best væri að senda þá alla saman á afskekkta eyju eftir að þeir sleppa út. Þar gætu þeir svo verið og níðst hver á öðrum það sem eftir væri æfinnar.

 


mbl.is Dæmdur eftir að hafa sagt til barnaníðings
Tilkynna um óviðeigandi tengingu við frétt

Hvernig á að þekkja heilablæðingu?

Ég fékk tölvupóst varðandi þetta nýlega og set hann hér. Þetta er eitthvað sem allir þyrftu að vita.

Það væri gott ef allir vissu þetta .............
Slag / Heilablóðfall / Blóðtappi

Það tekur þig aðeins rúmlega eina mínútu að lesa þetta:

TUNGAN er fjórða einkennið til að greina Slag / Heilablóðfall / Blóðtappa

Haft er eftir taugasérfræðingi að, fái hann fórnarlamb slags til meðferðar
innan þriggja tíma, sé hægt að snúa þróun áfallsins við og bæta algerlega

allan skaða sem það hefur valdið. Að hans sögn er galdurinn í því fólginn

að þekkja einkennin – greina þau og veita sjúklingnum viðeigandi læknishjálp
innan þriggja klukkustunda – sem er ekki einfalt.
 
 

Stundum er erfitt að átta sig á að um slag sé að ræða. Því miður hefur
sofandaháttur við þessar kringumstæður grafalvarlegar afleiðingar.
Sjúklingar geta orðið fyrir alvarlegum heilaskaða ef nærstaddir átta sig
ekki á að um einkenni slags er að ræða.


Að þekkja einkenni slags:


Notið nú gáfurnar sem ykkur hlotnuðust til að Lesa og Læra:

Að sögn lækna, geta leikmenn borið kennsl á slag, með því að kanna
þrjú ( núna fjögur ) einföld atriði:


Þið getið lært að tengja fyrstu 5 stafina í BLóðTappi við einkennin fjögur


B L óð T appi

Brosa Lyfta (óð) Tala + Tunga


Á ensku er bent á læra að tengja fyrstu 3 stafina í STRoke
S = smile T = talk R = raise both arms (og bæta núna Tounge við)


B biðjið hann / hana að BROSA

L biðjið hann / hana að LYFTA báðum handleggjum

T biðjið hann / hana að TALA og segja einfalda setningu að viti
t.d. að lýsa veðrinu

Núna má bæta TUNGA við –
T biðjið hann / hana að reka TUNGUNA – beint – út úr sér

því ef tungan er bogin eða leitar út í annað munnvikið er það líka vísbending um slag.

Ef manneskjan á í erfiðleikum með EITTHVERT EITT þessara atriða þarf
að hringja strax í Neyðarlínuna og lýsa einkennunum.

Að kunna þetta getur bjargað mannslífi.

 
mbl.is Hefði getað bjargað Richardson
Tilkynna um óviðeigandi tengingu við frétt

Hvað er til ráða?

Ég, eins og aðrir landsmenn, bíð enn eftir einhverjum alvöru aðgerðum af hálfu ríkisstjórnarinnar til hjálpar fjölskyldunum í landinu. Það er alveg greinilegt að nú er við stjórnvölinn fólk sem er einfaldlega skíthrætt við að taka ákvarðanir. Ýmsar ágætar tillögur hafa komið fram um aðgerðir til varnar heimilum og fjölskyldum í landinu en enn er allt í orði og ekkert á borði.

Eitt datt mér í hug um daginn þegar ég var að velta fyrir mér öllum þessum tillögum og umræðum um sanngirni/ósanngirni sem fólki verður tíðrætt um í því sambandi.

Hvaða þjóðfélagshópur er það sem er að fara verst út úr kreppunni, án þess að hafa "farið sér um of" í neyslu og áhættufjárfestingum síðustu ár? Og hvaða þjóðfélagshópur er það sem hrikalegar hækkanir á nauðsynjum eins og húsnæði, matvöru, fatnaði, hreinlætisvöru o.s.frv. kemur mest og verst við?

Leiðréttið mig ef þetta er ekki rétt hjá mér en eru það ekki barnmargar fjölskyldur sem verða verst úti og munu eiga erfiðast með að hafa sig í gegnum þessar þrengingar? Þetta er fólkið sem þarf fermetrafjöldann m.v. fjölda barnanna (ekki bara til að "hafa það gott" og "hafa fullt af plássi"). Þetta er fólkið sem þarf að eyða mest í matvöru, fatnað o.þ.h. og á erfiðara með að skera niður ýmis útgjöld en aðrir.

Tillaga Framsóknar um flata 20% niðurfellingu skulda er ágæt og sanngjörn að mörgu leiti, það skársta sem fram hefur komið hingað til allavega. Skuldir þeirra sem skulda mest munu þá lækka mest, þær hafa jú hækkað mest undanfarna mán./ár. Ég heyri hins vegar oft að "það sé fullt af fólki sem hefur einfaldlega farið algjörlega fram úr sér í neyslu og skuldsetningu, bara fyrir "lúxusinn" og eigum svo við hin að borga fyrir niðurfellingu á skuldum þeirra líka?"

OK. Hvað með að minnka niðurfellinguna um 10-15% eða sleppa henni alveg en hækka þess í stað barnabæturnar tímabundið um 100-200% ? Mundi það ekki koma til móts við akkúrat fólkið sem þyrfti mest á því að halda? Væri ÞAÐ ósanngjarnt?

 Ég er ekki lögfróð manneskja og hef svona tölur ekki á hreinu en mig langar til að vita hversu mikið væri hægt að hækka barnabætur fyrir þann pening sem talað er um í sambandi við niðurfellingu skulda.


« Fyrri síða | Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband